Edhe ditën e sotme priten reshje të dobëta, deri lokalisht mesatare në qarqet Shkodër dhe Kukës. Sipas asaj që parashikon Instituti i Gjeoshkencave, reshjet priten të jenë prezente pasdite.
Parashikimi nga IGJEUM:
RESHJET
Sot (e martë dt.28) priten reshje të dobëta, deri lokalisht mesatare në qarqet Shkodër dhe Kukës (siç tregohet në tabelë, respektivisht për secilin qark). Reshjet pritet te bien kryesisht pasdite; madje, ekziston mundësia që në zona të kufizuara reshjet të jenë në formë shtrëngate, më të mundshme në zonat malore dhe ato pranë tyre.
TEMPERATURAT
Sot (e martë dt.28) temperaturat minimale dhe maksimale të ajrit pritet të arrijnë:
në bregdet: 15 / 22 °C
në vendet e ulëta: 14 / 24 °C
në vendet malore: 10 / 19 °C
ERA
Sot era do të fryjë e lehtë deri mesatare, ndërsa në bregdet deri e fortë.
