]
Zëdhënësi i Presidentit Tedi Blushi konfirmon edhe njëherë se presidenti nuk do ti shmanget kuvendit.
Blushi thotë se gazetarët vazhdojnë interesohen dhe atij i duhet të bëjë konfirmimin e qartë njëherë e mirë për të mos e diskutuar më.
“Të dashur kolegë gazetarë që vazhdoni të më pyesni nëse do të shkojë apo jo Presidenti Meta në Parlament.
Ju konfirmoj me përgjegjshmëri maksimale se:
Ditën e hënë, Presidenti Meta në ora 09:59 do të jetë në Parlament”, shkruan Blushi.
Presidenti Ilir Meta është thirrur për të dhënë sqarime në komisionin parlamentar ngritur për shkarkimin e tij. Të gjithë menduan se presidenti nuk do të shkonte, por kjo është hedhur poshtë nga zëdhënësi, por edhe vetë presidenti Ilir Meta.
