Një zjarr i madh ka përfshirë pasditen e sotme disa magazina në rrugën Siri Kodra në Tiranë. Flakët kanë përfshirë magazinat e ish-Frigoriferit në Tiranë, ndërkaq shtëllungat e tymit që ngrihen prej tyre janë përhapur thuajse në gjithë kryeqytetin. Në zonë dëgjohen edhe shpërthime të fuqishme, dyshohet se shkaktohen nga materialet apo lëndë shpërthyese që ndodhen brenda magazinave. Në zonë kanë mbërritur forcat e policisë.
