Vdes në sallën e gjyqit ish-presidenti egjiptian Mohamed Morsi
Mohamed Morsi, ish-Presidenti i Egjiptit është ndarë nga jeta sot në moshën 67-vjeçare.
Mediat ndërkombëtare raportojnë me Morsi ka ndërruar jetë gjatë një seance gjyqësore këtë të hënë. Televizioni egjiptian raportoi se Mursi fillimisht humbi ndjenjat në sallën e gjyqit dhe ndërroi jetë më pas.
Morsi, një figurë e lartë në Vëllazërinë Myslimane u zgjodh president në vitin 2012 pas Pranverës Arabe të 2011-ës që i dha fund regjimit 30-vjeçar të presidentit Hosni Mubarak. Një vit më pas, në 2013, Mursi u rrëzua nga ushtria pas protestave masive kundër Vëllazërisë Myslimane. Ai po kryente dënimin me 7 vjet burg për falsifikimin e aplikimit të kandidaturës për garën presidenciale të vitit 2012.
