Pas rënies së bilbilit u shënua dhe një incident i rëndë mes futbollistëve të të dyja ekipeve të cilët rivalitetin e fushës e transferuan me grushta në tunelin që të çon për te dhomat e zhveshjes.
ELBASAN– Skuadra e Tiranës nuk ia ka dalë të fitojë sfidën e saj në luftën për titullin kampion përballë Kukësit.
Në ndeshjen që u luajt në “Elbasan Arena”, kuksianët kanë fituar me rezultatin 2-1 përballë “bardhebluve” duke marrë kështu dhe kryesimin e tabelës me 10 pikë.
Fillimisht seria e golave u nis nga Abazaj, i cili shënoi i pari, ndërsa në pjesën e dytë ishte Shkurtaj ai që dyfishoi rezultatin. Goli për Tiranën erdhi në minutën e 88 të takimit me Cobina, i cili duhet thënë se ishte një nga lojtarët më të mirë në këto 90 minuta.
Pas rënies së bilbilit u shënua dhe një incident i rëndë mes futbollistëve të të dyja ekipeve të cilët rivalitetin e fushës e transferuan me grushta në tunelin që të çon për te dhomat e zhveshjes.
U desh ndërhyrja e policisë dhe e presidentit Safet Gjici që situata të qetësohej.
