Artriti është një gjendje e cila karakterizohet nga pezmatimi i artikulacioneve në trupin tuaj që zakonisht shoqërohet me ënjtje dhe dhimbje. Kjo sëmundje është e zakonshme në mesin e individëve të moshuar dhe zakonisht trajtohet me ilaçe anti-inflamatore. Por a e dini se ekziston një ‘ilaç’ natyral që vepron si kurë efektive kundër inflamacionit të nyjeve të shkaktuara nga artriti? Xhinxheri, nuk njihet vetëm për përdorimet e tij në kuzhinë, por me shekuj është përdorur për të trajtuar probleme të ndryshme shëndetësore. Kjo rrënjë përmban enzima që qetësojnë ulçerën, komponime që janë anti-inflamatore dhe antioksiduese, si dhe një sasi të vogël përëbërësish me veti analgjezike. Por si duhet ta përdorni rrënjën e xhinxherit për të përfituar ?
- Shtimi i xhinxherit të freskët në vaktet tuaja
Hulumtuesit e University of Georgia në Athinë and Georgia State College & University në Milledgeville botuan një studim në Journal of Pain se disa lugë xhinxheri i grirë mund të ndihmojnë në lehtësimin e dhimbjes së muskujve shkaktuar nga stërvitja.
- Pija magjike
Përbërësit:
2 lugë gjelle lëng limoni të shtrydhur
1 gotë ujë
2 cm rrënjë xhinxheri i grirë
1 lugë çaji mjaltë
Përgatitja:
- Vendosni ujin të vlojë në një tenxhere të vogël
- Shtoni xhenxhefilin e grirë.
- Ziejeni ujin për 10 minuta.
- Kullojeni atë dhe shtoni 2 lugë gjelle lëng limoni të shtrydhur.
- Shtoni 1 lugë çaji mjaltë dhe pini 2-3 gota çdo ditë, derisa dhimbja të qetësohet.
- Masazh me vajin e xhinxherit
Vaji esencial i xhinxherit ka enzima me veti anti-inflamatore dhe analgjezike. Ndihmon në lehtësimin e dhimbjes së artritit duke vepruar në receptorët vanilloide, të cilët ndodhet në mbaresat nervore të nervave shqisor.
Si duhet ta përdorni:
- Merrni 2 lugë vaj ulliri ekstra të virgjër dhe ngroheni për 2-3 minuta.
- Shtoni 3-4 pika vaj esencial xhinxheri .
- Lëreni të ftohet pak e më pas masazhoni artikulacionet dhe kyçet që ju dhembin.
- Masazhoni zonat e dhimbshme me këtë përzierje të paktën 2 herë në ditë.
