Filmi “I Love Tropoja ka përfunduar, dhe kasti i aktoreve kanë bërë një festë përmbyllëse në një ambjent ku janë mbledhur të gjithë duke kërcyer e dëfryer sëbashku.
Ermal Mamaqi i ka dhënë fund xhirimeve të filmit të dytë “I Love Tropoja”, që pritet të publikohet së shpejti në të gjitha kinematë. Pjesë e këtij filmi ishin aktorë të njohur, midis tyre Jul Deda, Xhoda, Arjola Demiri, Enca etj.
Por, si në përmbyllje të një pune të gjatë e të lodhshme, Mamaqi ka menduar të organizojë një festë në një resort ku ka mbledhur bashkë të gjithë aktorët. Si në dasmë, muzikë popullore e ushqim, aktorët e kanë shijuar shumë këtë festë.
Në sy bie Jul Deda që e ka ‘djegur’ në kërcim popullor bashkë me aktorin e Portokallisë, Xhodën. Nga ana tjetër Ermal Mamaqi ja ka marrë fuqishëm valles dhe ka shijuar pa fund atmosferën bashkë me stafin e tij të punës, me të cilët realizoi filmin e tij të dytë, pas suksesit të filmit “Dy gisht mjaltë”.
