Rezart Taçi publikon mesazhet me Endri Shabanin, edhe e motra Anika Taçi...

Rezart Taçi publikon mesazhet me Endri Shabanin, edhe e motra Anika Taçi i shkruan ‘gjerë e gjatë’ (FOTO-MESAZHET)

633
0

Disa ditë më parë pedagogu dhe aktivisti Endri Shabani shkroi një koment me titull “Prindër, na gjënjyet”, ku listonte një nga një këshillat e fëmijërisë. Ndër to, një prej kishëillave ishte “puno fort, se po nuk punove do perfundosh i varfër”.

 

Por sipas Endri Shabanit, edhe kjo rezultoi e pavërtetë. “…Kur ishim te vegjël na thate “puno fort, se po nuk punove do perfundosh i varfër”. Por po shohim politikanë miliarderë që nuk kanë punuar një ditë në jetë. Pamë edhe se si u pasuruan Taçi, Beso, Zamiri, Çeti dhe gjithë “klientet” e privatizimeve, te cilët ranë në gjumë si perkthyes, kambist apo shoferë dhe u gdhine si pronare fabrikash e minierash te ndertuara me punen e miliona shqiptareve”, shkruante aktivisti në një prej paragrafëve të komentit të tij, duke përmendur me emra disa biznesmenë vendas.

 

Mirëpo, Rezart Taçi i ka shkruar privatisht një mesazh Endri Shabanit për veprimtarinë e tij si biznesmen në fushën e hidrokarbureve, para se të fliste për të. Ndërkohë, përgjigjen e Endrit, se e njihte Rezart Taçin vetëm nga raportimet në media, e ka shpërndarë vetë biznesmeni dhe e motra e tij, Anika Taçi. Kjo e fundit ndryshe nga i vëllai, i përgjigjet “gjerë e gjatë” aktivistit dhe pedagogut Endri Shabani.

 

Sipas motrës së biznesmenit, Rezart Taçi nuk ishte një “kamarier” por inxhinier që ka studiuar dhe është specializuar në fushën e naftës për të rimëkëmbur këtë industri, që sipas saj, shteti s’diti ta bënte.

 

Anika Taçi shkruan se fajin për ligjin mbi privatizimet nuk e ka i vëllai i saj, ndërsa thotë se Rezart Taçi ka ndihmuar familjet e komunitetit ku ushtronte veprimtarinë, në Ballsh, dhe gjithë familjet dhe vetë naftëtarët.

 

“Nuk mund te fajesojme Rezartin per ligjet mbi privatizimet, dhe s’mund ta fajesojme por ta ndihmojme kur ben gjithcka per punonjesit e tij dhe zonen perreth. Po, sepse nese perseri Endri do te pyeste do te zbulonte rruget qe jane bere fale tij ne zonen e Ballshit, energjia elektrike qe i ofrohej falas gjithe komunitetit, operacione jashte vendit te punonjesve apo familjareve me parate e tij personale, ku familja shpesh nuk dinte asgje.

 

Nuk pushoi nga puna asnje edhe pse ajo pune mund te behej me 100 vete por paguheshin 2000. Kjo vetem e vetem pasi ishte dhe eshte nje komunitet i tere qe jeton vetem me ate pune. Filloi dietat per punonjesit, shperndau qumesht pas shume vitesh si i vetmi kunderhelm dhe se fundmi zbuloi dhe prodhoi blue diesel me ate lloj teknollogjie qe ka lene te mahnitur cdo profesionist te huaj. Ishte nje enderr per kedo qe e njihte mire ate teknollogji”, shkruan ndër të tjera Anika Taçi, motra e biznesmenit Rezart Taçi.

 

MË POSHTË MESAZHI I ANIKA TAÇIT PËR ENDRI SHABANIN:

 

Rastesisht qelloj te lexoj “fale”miqve te perbashket ne facebook, nje shkrim dhe me pas nje sqarim per te njejtin shkrim nga nje djale me emrin @Endri Shabani. Nuk e njoh personalisht por mesoj qe eshte pjese e shoqerise civile Nisma Thurje. Nxitova ta lexoj pasi si cdo shqiptar mirepres me padurim qe nje grup i ri te mund te beje ndryshimin nje dite ne kete vend.

 

Kam ndjekur disa levizje tyren, nga media te ndryshme, pa ditur dhe pa u interesuar nga udhehiqej. Me mjaftonte te shikoja pjesmarrjen e disa pedagogeve, intelektualeve per te mos e nenvleresuar madje ta mireprisja.

 

Eshte per te qeshur por cdo dite fajesojme prinderit tane qe na bene njerez te dashuruar me lirine dhe te repektuar ndaj mendimit te kujtdo qe flet me baza dhe llogjike te pakundershtueshme por sidomos i kritikojme qe na bene kaq te edukuar per te mos iu pergjigjur kercenimeve, provokimeve, ligesise dhe keqdashesise, te jemi kaq modeste, mos te tregojme kush jemi me fjale por me vepra, te mos tregojme bamiresite apo ndjenjat publikisht. Te punojme dhe sfidojme veten duke ndjekur endrrat tona.

 

Per te arritur ketu kemi qene nxenes te shkelqyer pavaresisht persekutimit komunist, kemi marre pjese ne greven e studenteve per te ndryshuar dhe fituar lirine e munguar, kemi studiuar ne universitetet me te mira te perendimit mes sakrificave dhe punes se forte pasi askush nuk mund te na mbeshteste ne ato kohe te fillimit te viteve 90.

 

U kthyhem me shprese te madhe ne vendin tone, pasi ky ka qene qellimi fillestar. Te jepnim edhe ne kontributin tone ndoshta te “infektuar” nga patriotizmi i semure prej te pareve tane (luftetare, prefekte e intelektuale “kercenim” per injorancen e udheheqesve te atyre viteve).

 

Ambienti qe gjetem ishte pak a shume i njejte me ate qe edhe vete Endri ka gjetur pas studimeve (qe aq shume prinderit e tij kane sakrifikuar).

 

Pavaresisht klimes se nje konkurrence te padrejte, mungese edukate te punes, injorim per ata qe dinin dicka me shume suksesi ishte i veshtire dhe ne fund i pafalshem nga te gjithe. Nje sukses aspak rastesor sic mund te mendoje Endri dhe kushdo si ai. As i dhuruar nga ndonje pale politike sic kane shkruar disa media dhe me te drejte opinioni publik mendon, duke mos patur as prova dhe duke mos qene afer realitetit tone. Fuqine e pushtetit te trete, ate te mediave e njohem mbi kurrizin tone, madje edhe e prekem duke e bere…Cfare ndodhi, nuk funksionoi sepse nuk e perdorem si arme kunder askujt dhe asnje pale, por duke u iluduar se me sado pak mund te ndryshonim nje mentalitet njerezor qe veshtire te crrenjoset.

 

Ja pse enderrojme tek “Endri” por shpejt kuptojme qe jo gjithcka qe shndrin eshte flori. U zhgenjeva shume ju them te drejten.

 

Menjehere kuptova (per te disaten here mbi kurrizin tone) qe te flasesh kundra te gjitheve na ben me interesant, ndoshta edhe me te besueshem.

 

Sa e thjeshte eshte te citosh emra, flasesh per punen dhe jeten e dikujt pa qene e nevojshme te pyesesh personin apo njerezit rreth tij, institucionet me te cilet bashkepunon dhe papritur njerezit te besojne pasi jane te prirur ta bejne ate.

 

Nese Endri dhe shume Endra te tjere do pyesnin do te zbulonin se Taci (sic e therret ai) apo Rezarti (heroi im) sic i therras une eshte njeriu me pozitiv dhe i dashur qe mund te njohe. Njeriu me intelektual, i zgjuar, i semure pas punes dhe lirise personale. Njeriu qe donin ta benin qytetar nderi (jo ne vendin e tij) ne kohen kur ishte “thjesht” nje kamarier. Fatkeqsisht per Endrin, Rezarti nuk ishte thjesht nje kamarier por nje njeri qe studionte dhe punonte dite e nate, lexonte libra mbi ekonomine, politiken, te mencurit, filozofet. Flinte apo jo 3 ore naten. Kete jua siguroj.

 

Rezarti eshte njeriu qe beri ate qe shume shqiptare ne grup nuk e kane bere. Ai i vetem ia arriti por e pagoi kete zgjedhje. E pagoi shume por eshte i lumtur pasi nuk humbi lirine per te cilen luftoi aq fort qe ne bankat e shkolles se mesme ku spiune komuniste e ndiqnin hap pa hapi per shkak se shprehej dhe ngrinte zemrat e miqve kunder diktatures. Ashte ai Rezart qe per shume vite studioi dhe u specializua ne fushen e naftes si nje inxhinier (dhe jo si nje kamarier) per te bere te mundur rimekembjen e nje pasurie te madhe shteterore dhe qe shteti s’diti kurre ta bente.

 

Nuk mund te fajesojme Rezartin per ligjet mbi privatizimet, dhe s’mund ta fajesojme por ta ndihmojme kur ben gjithcka per punonjesit e tij dhe zonen perreth. Po, sepse nese perseri Endri do te pyeste do te zbulonte rruget qe jane bere fale tij ne zonen e Ballshit, energjia elektrike qe i ofrohej falas gjithe komunitetit, operacione jashte vendit te punonjesve apo familjareve me parate e tij personale, ku familja shpesh nuk dinte asgje. Nuk pushoi nga puna asnje edhe pse ajo pune mund te behej me 100 vete por paguheshin 2000. Kjo vetem e vetem pasi ishte dhe eshte nje komunitet i tere qe jeton vetem me ate pune. Filloi dietat per punonjesit, shperndau qumesht pas shume vitesh si i vetmi kunderhelm dhe se fundmi zbuloi dhe prodhoi blue diesel me ate lloj teknollogjie qe ka lene te mahnitur cdo profesionist te huaj. Ishte nje enderr per kedo qe e njihte mire ate teknollogji.

 

Te gjitha keto i ka bere ne ato 4 vjet ku kishte formalisht pronesine por ku realisht u la te punonte vetem pak muaj.

 

Shume do te zbulonte Endri, edhe per nje shoqate femijesh me aftesi te kufizuar qe prej vitesh jetonin dhe kuroheshin me parate e tij.

 

Nuk i ka bere qe te dukej dhe me vjen ndot nga vetja kur i radhis te gjitha sot por mesa duket, pas shume vitesh balte dhe mungese informacioni, eshte e nevojshme te dihen per te miren e se vertetes. Eshte e nevojshme ne menyre qe Endri dhe te gjithe intelektualet apo pedagoget qe e ndjekin te mund ta mbeshtesin sa here eshte i drejte dhe i sakte por jo kur drejton gishtin pa pyetur veten.

 

Pavaresisht se pranon qe e njeh vetem permes medias nuk ngurron te shkruaje dhe citoje serish.

 

Qe te mund te vazhdoje te kem respekt per iniciativat e tij dhe per te qene koherent me veten, uroj qe kete replike miqesore ta publikoje edhe ne faqen e tij. Jo vetem per te por per respekt te te gjithe atyre qe me devotshmeri dhe shprese e ndjekin.

 

Beje ndryshimin Endri duke filluar nga vetja.

 

Uroj nje dite te mund te te takoj nga afer dhe pijme nje kafe te gjate sepse shume kemi per te ndare si ish studente te perendimit me shpresa e endrra plot.