Pjesa e parë e ditës do të jetë me kthjellime dhe vranësira të lehta, ku në zonat Lindore do të sjellin reshje të pakta. Por orët e mesditës dhe në vijim pritet përmirësim gradual i kushteve të motit edhe në këto zona.
Temperaturat e ajrit do të ulen në mëngjes, por rriten në mesditë, duke regjistruar vlerën minimale në qytetin e Pukës me -3°C. Ndërsa vlera maksimale do të shënohet në qytetin e Sarandës me 19°C.
Era do të fryjë e lehtë në tokë dhe mesatare në det, me shpejtësi 40 km/h nga drejtimi Verilindor, duke krijuar dallgëzim 4 ballë.
