Një vajzë 12-vjeçare është gjetur e gjallë pasi ndenji nën dëborë për 18 orë, kur një ortek goditi shtëpinë e saj në Pakistan, në zonën e Kashmirit.
Samina Bibi tha se kishte qenë “duke ulëritur dhe duke bërtitur për ndihmë”, ndërsa shtrihej e bllokuar në një dhomë nën dëborë, u shpreh ajo për Reuters.
Ajo u shpreh gjithashtu për mediat se mendonte se do të vdiste atje para se të shpëtonte.
Lugina e Neelum është goditur nga ortekët dhe rrëshqitjet e dheut gjatë ditëve të fundit duke vrarë të paktën 74 njerëz.
Ndërsa rajoni i Himalajeve është i prirur për fatkeqësi të shkaktuara nga moti, numri i tanishëm i vdekjeve është një nga më të lartat për momentin.
Ndërkohë autoritetet atje janë ende në kërkim të personave të zhdukur
