“Një shpërthim i fuqishëm pritet brenda orësh ose ditësh”, autoritetet ngrenë alarmin:...

“Një shpërthim i fuqishëm pritet brenda orësh ose ditësh”, autoritetet ngrenë alarmin: Lava nga vullkani ka nisur të dalë

176
0

 

Një vullkan në Filipine ka filluar të nxjerrë lavë dhe autoritetet paralajmërojnë se një shpërthim i fuqishëm mund të ndodhë “brenda orësh ose ditësh”.

 

 

Lava nga vullkani Taal ka nisur të dalë në orët e para të së hënës.

 

Vullkani ndodhet rreth 70 kilometra larg kryeqytetit Manila.

 

Paraprakisht, një re e madhe e hirit ka shkaktuar evakuimin e rreth 8,000 personave nga zona.

 

“Vullkani ka hyrë në një periudhë të jostabilitetit intensiv”, tha Instituti i Filipineve për Vullkanologji dhe Sizmologji.

 

Taal është vullkani i dytë më aktiv i Filipineve.

 

Ai gjendet në një ishull në mes të një liqeni dhe është një nga vullkanet më të vogla në botë.

 

Taal ka pasur së paku 34 shpërthime në 450 vjetët e kaluar.

 

Herën e fundit ka shpërthyer më 1977, ndërsa shpërthimi i tij në vitin 1911 ka lënë të vdekur rreth 1,500 njerëz./REL

 

 

 

 

 

 

 

 

loading...