Muaji gusht ka nisur me vranësira dhe reshje, duke prishur kështu planet e shumë njerëzve që mezi e prisnin këtë periudhë për të bërë pushime. Megjithatë, duket se për moderatorin dhe këngëtarin e njohur dhe shumë të dashur për publikun shqiptar, Ardit Gjebrea, reshjet e mëngjesit të sotëm nuk e ndaluan së shijuari edhe një ditë të tillë. Gjebrea ka zgjedhur që pushimet t’i kalojë në Qeparo dhe postimet në rrjetet sociale nuk kanë munguar.
Në foton e fundit në Instagram, Arditi shfaqet duke notuar dhe shumë i lumtur që më në fund rrezet e diellit dolën sërish. Nën të ai shkruante: “Doli Dielliiiiiii”.
