Reshje shiu dhe borë në zonat malore, parashikimi i motit për sot
Vendi ynë gjatë ditës së sotme pritet që të ketë mot të paqëndrueshëm. Pjesa e parë e ditës do të jetë me vranësira të cilat do të sjellin në ultësirën perëndimore shira, ndërsa në zonat malore do të ketë reshje dëbore. Pjesa e dytë e ditës sjell përmirësim të lehtë të kushteve të motit, por reshjet e pakta mbeten prezente në vend.
Temperaturat e ajrit do të ulen në mëngjes dhe në mesditë, duke luhatur vlerat ditore nga -2°C deri në 13°C.
Era do të fryjë mesatare në tokë dhe e fortë në det, me shpejtësi 45 km/h nga drejtimi jugor-jugperëndimor, duke krijuar dallgëzim 4 ballë.
