“Kap ça të kapësh, jemi pa gjë sot”/ Përgjime të reja për...

“Kap ça të kapësh, jemi pa gjë sot”/ Përgjime të reja për “Zogun e Tiranës”, Nikaj: Do ndodhin gjëra të mira! (Porosia e tutores për vajzën)

278
0

Elton Qyno

Biseda të tjera të përgjuara nga prokuroria e Tiranës, tregojnë raste të reja të shfrytëzimit të vajzave për prostitucion nga Hermes Nikaj ose Zogu i Tiranës, i arrestuar nga policia dhe dy grave të tjera si pronarja e një qendre estetike, Anjeza Bena, e cila ndodhet në arrest shtëpie dhe F.Sula.

 

Në këto biseda tregohen përpjekjet e Hermes Nikaj për të çuar në hotel një vajzë me emrin Fjorela. Ky hotel ndodhet pranë shkollës së policisë në Sauk, ku aty vajza po çohej me taksi që drejtohej nga një polic me emrin Velo, i cili gjatë natës punonte si taksist. Bisedat tregojnë  përfshirjen në këtë aktivitet edhe të Anjeza Benës, e cila kishte siguruar një vajzë me emrin Adela, për t’ia çuar në shtëpi një personi që do vinte në orën 3 e 30. Njëherësh përgjimet e kryera nga prokuroria e Tiranës, tregojnë se çfarë aktiviteti kryente dhe F.Sula, e cila mbante në monitorim një vajzë të quajtur Marina, ku për çdo mashkull që shkonte me të, F.Sula, kërkonte një bakshish prej 100 mijë lekë të vjetra.

 

Madje në një rast, kur kishin mbetur keq nga gjendja ekonomike, F.Sula, i thotë Marinës, se: ”është një punë për t’u bërë dhe të japë sa të japë se jemi pa gjë”.

 

Më poshtë janë përgjimet e plota që Shqiptarja.com i sjell në vijim të përgjimeve të botuara në ditët e mëparshme.

 

Anjeza Bena flet për Adelën:

 

Në orën 8:30 të mëngjesit të datës 22 tetor 2019, parukierja Anjeza Bena, që zotëron një biznes në rrugën “Myslym Shyri” bisedon me një person tjetër e identifikuar si, Klodi Bena, ku flasin së bashku se kanë gjetur një vajzë dhe se në orën 3:30 do të vijë një klient. Anjeza ka planifikuar për të çuar për marrëdhënie seksuale në banesë një vajzë me inicialet A.S, një personi të quajtur Armand, i cili sapo kishte ardhur nga Kanadaja. Mes tyre zhvillohet kjo bisedë si më poshtë:

 

Klodi: Anjeza jam me Adelën. Sot në orën 3 e 30 vjen ai burri aty

 

Anjeza: Ok

 

Klodi: Mos më lesh njeri se nuk e gjej dot më se sa e kapa, se nuk ka qenë këtu.

 

Ndërkohë në orën 21:12 të pasdites të datës 22 tetor 2019 mes Hermes Nikaj dhe një personi që identifikohet si Antonio, zhvillohet kjo bisedë si më poshtë:

 

Antonio: Jam këtu tek blloku, tek lokali *

 

Zogu: Jepja këtij taksistit adresën se nuk e dimë se jam me një shoqe dhe po kalojmë

 

Andonio: Ambasada Zvicerane lokal *

 

Vetëm disa minuta më vonë po në të njëjtën datë në orën 21:38 zhvillohet një bisedë mes Hermes Nikaj, ose “Zogut të Tiranës” dhe një personazhi tjetër që siç identifikohet nga programacioni “True Caller” që quhet Koli. Në këtë bisedë Zogu e merr dhe i thotë se i del telefoni i fikur, dhe mes tyre zhvillohet kjo bisedë si më poshtë:

 

Koli: Kam dalë me ca njerëz

 

Zogu: Unë jam me një shoqe takohemi më vonë?

 

Koli: Po mirë.

 

Por pa kaluar disa minuta më pas, Koli, i kërkon me një mesazh “Zogut të Tiranës”, që t’i nisë një foto. Ndërsa Zogu, i dërgon një mesazh ku i thotë “a do vish të na marrësh në bllok? Sërish me mesazh ia kthen dhe Koli duke i pohuar se:”s’kam mbaruar akoma, jam me njerëz….

 

Ndërkohë në orën 23:30, Hermes Nikaj,telefonon një vajzë tjetër me emrin Fjorela dhe mes tyre zhvillohet një bisedë, ku vajza kërkon numrin e një taksixhiu që është punonjës policie dhe që identifikohet me emrin “Velo”.Vajza kërkon që të dalë shpejt nga banesa por po vonohet taksia. Mes tyre zhvillohet kjo bisedë si më poshtë vijon:

 

Zogu: U nise ti?

 

Fjorela: Ma nis pak numrin e Velos.

 

Zogu: Po po

 

Pasi e ka mbyllur me këtë vajzë, Zogu, telefonon punonjësin e policisë që quhet Velo, i cili punon si taksist dhe në shumë rast transporton Hermes Nikaj dhe vajzat e tij në hotele dhe mes tyre zhvillohet kjo bisedë:

 

Velo: Hë morë ku je?

 

Zogu: Ja të sqaron adresën ky, ku do ta sjellësh atë gocën.

 

Velo: Ok

 

Nga numri i Zogut, flet me Velon një person mashkull duke i thënë si më poshtë:

 

Personi: O vëlla si kalove? Në Sauk, tek hotel *, sa kalon shkollën e policisë.

 

Velo: Po po aty në anë të rrugës, aty ku bohen ato dasmat

 

Personi: Sa kalon shkollën e policisë duket në krah të djathtë

 

Velo: Ok u krye

 

Në orën 23:50 të datës 22 tetor 2019, personi mashkull që ishte së bashku me Hermes Nikaj në hotel * telefonon sërish taksistin Velo, dhe mes tyre zhvillohet kjo bisedë:

 

 

Velo: Hë mo ku je?

 

Personi: Para D*** (emër hoteli)…(ndërkohë dëgjohet Hermesi që i thotë: Erdha bjeri lekët, hajt se po dal).

 

Pas 1 minute Zogu telefonon Velon dhe i thotë si më poshtë:

 

Zogu: Ku je ore?

 

Velo: Hec drejt se s’qenka këtu

 

Zogu: Kaloni koshat e plehrave

 

Dy minuta pas kësaj telefonate sërish me numrin e Velos, telefonohet Hermes Nikaj, ku këtë herë përgjigjet një vajzë e cila është Fjorela, ku mes tyre zhvillohet një bisedë e tillë

 

Fjorela: Hë zemër si e ka emrin ky hoteli?

 

Zogu: E ka të shkruar taksisti…kthehu për lart se të pashë.

 

“Kap ça të kapim”

 

Pasi ka mbaruar këtë porosi Zogu është larguar. Ndërsa në datën 23 tetor 2019 në orën 11:54 zhvillohet një bisedë mes F.Sula dhe një vajze e cila quhet Marina. F.Sula i thotë Marinës se kanë ngelur keq nga ana financiare dhe se është një punë për t’u bërë dhe” të japi sa të japi, se jemi pa gjë”. Mes tyre zhvillohet kjo bisedë si më poshtë

 

F.Sula: Është një punë për t’u bërë dhe të japi sa të japi se jemi pa gjë.

 

Marina: Po mirë në rregull

 

F.Sula:  Mbasdite do të vi unë se si kam marr ato

 

Marina: Po mirë merri dhe ato

 

Në orën 12:40 në kësaj dite F.Sula, zhvillon një bisedë me Hermes Nikaj dhe së bashku zhvillojnë këtë bisedë, ku Zogu i thotë që mos mërzitet se do ketë punë plot në ditët në vijim.

 

F.Sula: S’kam pas shumë punë se nuk e kam taku atë

 

Zogu: Sa keq me raftë pika

 

F.Sula: Do pres atë njeriun

 

Zogu: Do kesh punë do kesh…

 

F.Sula:  Nuk ka ardhur ai personi se po të vinte ai menjëherë do të takoja. Me ka dhënë një shoqe një telefon të shoh mos blej numër nesër ose pasnesër se me duhet numri për atë muhabetin. Do të ndodhin gjëra të mira apo jo?

 

Zogu: Çdo gjë do shkoj mirë. Mos u mërzit se do kesh punë plotë, sa të duash.

 

“Unë dua 100 mijë lekë bakshish”

 

Pasi e mbyll me Zogun e Tiranës F.Sula, zhvillon një bisedë me vajzën e quajtur Marina, ku ndër të tjera ato bisedojnë se nëse do vijë një person që të kryejë mareëdhënie seksuale me Marinën, Flora i ve kushtin vajzës, duke kërkuar 100 mijë lekë bashkish nga Marina, e cila do shkonte me këtë mashkull. Mes tyre zhvillohet kjo bisedë si më poshtë:

 

F.Sula: Nëse do vijë njeri se unë po e pres sot

 

Marina: Po po do vijë.

 

F.Sula: Që mos bëjnë…vetëm se…du 100 mijë lek bashkshish

 

Marina: Po po në rregull e mora

 

F.Sula: Do m’i japi sot

 

Marina: Po po.

 

Marrë nga Shqiptarja.com

loading...