‘’Çfarë ndodh në Las Vegas, mbetet në Las Vegas”, por ajo që po ndodhte mes orëve të gjata të regjistrimit në studio dhe në regji nuk mund të mbahej më e fshehtë, dhe kështu pa pritur e pa kuptuar Arbana Osmani dhe regjisori Eduart Grishaj pranuan publikisht atë që ndoshta bashkëpunëtorët e tyre kishin filluar të dyshonin, ndjenjat. Moderatorja e njohur dhe regjisori i ri tashmë nuk kishin anjë arsye për ta fshehur. Si një nga lidhjet më të komentuara, një ndjekës e pyet Arbanën në “Instagram” sesi është të punosh me Eduartin. Arbana i përgjigjet se ka momente kur të dy duan të vrasin njëri-tjetrin, por shton se pa të nuk do të ishte i mundur emisioni “Dua të të bëj të lumtur”.
“Mirë është. Ka raste që dua ta vras, ka raste që do të më vrasë, por në fund është i vetmi njeri pa të cilin nuk do të mund ta bëja këtë emision”, përgjigjet Arbana Osmani.
