Një ndër moderatoret më të pëlqyera të publikut shqiptar, Arbana Osmani është pyetur shpesh për periudhën e rikthimit në ekran, pas shkëputjes për shkak të pandemisë së koronavirusit.
Ajo ka vendosur të vijë me një postim në rrjete sociale, ku sqaron se emisioni i saj i të shtunës “Dua të të bëj të lumtur” do të rikthehet në Top Channel sapo kushtet të jenë të favorshme dhe ambjenti i sigurt për të pranishmit.
“Për të gjithë ata që më pyesin çdo ditë (çdo orë e çdo minutë) @duatetebejtelumtur.tch do të kthehet në ekran sapo situata të jetë qetësuar dhe kushtet të jenë të favorshme dhe ambjenti i sigurtë për personazhet dhe punonjësit tanë”,– ka shkruar Arbana Osmani në postimin e saj në rrjete sociale.
