Iku me bujë nga Portokalli, Top Channel hakmerret ndaj Delinda Dishës, e...

Iku me bujë nga Portokalli, Top Channel hakmerret ndaj Delinda Dishës, e padit në gjykatë

595
0

Aktorja e njohur e humorit, Delinda Disha, e cila para disa muajsh u largua nga spektakli ‘Portokalli’ për të shkuar në ‘Klanifornia’, është paditur nga ‘Top Channeli’ në Gjykatën e Rrethit Tiranë.

Mediat njoftojnë se ‘Top Channel’ ka paraqitur si provë në gjykatë kontratën e Delindës me “ Portokalli”; kontratë 2-vjeçare që fillonte nga viti 2017-2019.

Në të njëjtën kohë, pala tjetër ka paraqitur një kontratë tjetër të aktores, në periudhën 2017-2018.

Delinda akuzohet se ka shkelur kontratën dhe ka nxjerrë sekrete artistike. Megjithatë, e kontaktuar nga mediat, ajo është shprehur: “Do vazhdoj dhe këtë sezon me role shumë të dashura për publikun çdo të shtunë në mbrëmje në Klan”, duke preferuar të mos japë detaje për ngjarjen e mësipërme.