Stiven BreguPa ditur gjuhë dhe i vetëm sërish ai arriti të merrej në kujdestari nga një familje në Bristol e cila i dha mundësi edukimi.
Stiven Bregu, 18-vjeçari shqiptar, historia e të cilit u bë e njohur para 1 muaj teksa ai do të deportohej nga Britania. Një peticion filloi të nënshkruhej për të ndaluar deportimin e tij, peticion që mori mijëra nënshkrime. Stiveni u largua nga Shqipëria dhe udhëtoi ilegalisht drejt Britanisë së Madhe 5 vite më parë në 2015. Pasi mbërriti atje ai u braktis në rrugë nga trafikantët. Ishte vetëm 13 vjeç në atë kohë dhe nuk dinte asnjë fjalë anglisht. Më pas ai u dërgua në një qendër për të mitur ku la mbresa për aftësinë e tij për të mësuar.
Pa ditur gjuhë dhe i vetëm sërish ai arriti të merrej në kujdestari nga një familje në Bristol e cila i dha mundësi edukimi.
Kur mbushi 18-vjeç dhe pasi arriti të merrte një kualifikim shkollor atij iu tha se do të deportohej pasi nuk ishte më i mitur.
Familja që e kishte në kujdestari dhe miq hapën një peticion që arriti 100 mijë firma, pas kësaj atij iu dha një mundësi për të qëndruar në Britani pasi apeli i tij u pranua.
Autoritetet në Britani megjithatë kanë dy javë kohë që mund ta apelojnë këtë vendim por nëse kjo nuk ndodh, Stiven do të qëndrojë në Britani dhe do vijojë studimet.
