Hajdari, akuza Ramës: Sillesh në Evropë me reforma të paimplementuara, bën tangon...

Hajdari, akuza Ramës: Sillesh në Evropë me reforma të paimplementuara, bën tangon e Serbisë. Je më i frikësuar se kurrë nga…

431
0

 

Deputetja e PD-së, kryetarja e Komisionit të Integrimit, Rudina Hajdari ka lëshuar akuza të forta në adresë të kryeministrit, Rama. Në fjalën e saj nga foltorja e Kuvendit ajo ka evidentuar mungesën e kryeministrit në Kuvend, duke i kujtuar më pas atij, se qeveria e tij është në regres dhe aspak në progres, sikudnër ai pretendon dhe mundohet të bindë shqiptarët dhe të huajt.

 

“Në sallë mungon sërish kryeministri që duhet të jetë prezent për të shënuar këtë ditë duke na thënë diçka përsa i përket raportit. Kam ardhur për të thënë disa të vërteta, kritika që janë me vend dhe populli duhet ti dëgjojë. Ne kemi vetëm një njeri që u tregon atyre se është më i miri i të mirëve dhe se ai nuk ka. Ka 6 vite që me fjalë shumë e vepra pak po bind ata që kanë vesh të dëgjojnë se vetëm ky po ndërton një vend ku mbizotëron ligji dhe shteti, ndërkohë që merr cdo vendim brenda e jashtë parlamentit dhe vendit. Ky njeri që bën ligje në kurrizin tonë, të së mirës së askujt, varfëron të varfërit dhe pasuron të pasurit, sillet në Evropë me reforma të paimplementuara dhe bën tangon e Serbisë ndihet më i frikësuar se kurrë nga partia e tij. Duhet të dijë dy gjëra, që qeveria është në regres dhe jo progres dhe integrimi nuk mund të vijë dot kurrë nga të paintegruarit, asnjë nga liderat tanë nuk e bind BE se do bëjnë ndryshime të prekshme me vullnetin e tyre”- tha ajo.