Enris Qinami i bën jehonë muzikës tradicionale shqiptare, nën tingujt e sharkisë në Francë
Enris Qinami ka zgjedhur të bëhet një nga përfaqësuesit e muzikës tradicionale shqiptare në botë.
I pranishëm në një event në Francë, Enrisi ka zgjedhur të jehojë me këngë shqipe duke i shoqëruar me sharki.
Me një instrumentit muzikor krejt të veçantë si sharkia, me elementë të sazes dhe këngët me tekste shqip, ai është i vetmi përfaqësues që interpreton e kultivon këtë lloj muzike për publikun francez.
Enrisi studimet e para i mori në Shqipëri dhe më pas në Francë për muzikë klasike.
Performanca e tij ka lënë mbresa tek publiku francez të cilët e kanë mirëpritur me duartrokitje të forta.
Qinami ka zgjedhur për të përfaqësuar muzikën tradicionale shqiptare në një shtet të madh dhe të zhvilluar siç është Franca pasi e quan muzikën e mirëfilltë shqiptare një vlerë të rrënjëve tona.
“Muzika tradicionale është një shikim në pasqyrë e vetvetes. Ajo ruan memorien kolektive në disa forma: së pari në tekstet dhe së dyti në melodi”, ka thënë Enrisi.