Një vogëlush ka fituar betejën e tij me kancerin. Njësia e Radioterapisë së Shërbimit Onkologjik të QSUT-së realizoi për herë të parë trajtimin cranio-spinal te vogëlushi Rogen. Ky trajtim u realizua falë teknikave të avancuara të rrezatimit, të disponueshme në QSUT në konsultim me kolegët e Spitalit të Neurokirurgjisë dhe Onko-Pediatrisë.
“Lufta me kancerin nuk është e lehtë, por ne arritëm t’i japim Rogenit trajtimin e duhur me shumë dashuri”, thonë mjekët e QSUT. Sot ai përfundoi trajtimin dhe stafi vendosi ta percjellë duke i bërë surprizë biçikletën që dëshironte. Dashuria dhe buzëqeshja janë suplement shumë i rëndësishëm në luftën me sëmundjen.