Mbrëmjen e djeshme e ftuar në “Kurthin e Piter Pan” ishte moderatorja e njohur nga Kosova, Elita Rudi.
Gjatë emisionit ajo foli për mëmësinë, pasi pak javë më parë Elita u bë nënë për herë të parë.
Ndërkohë, pas pyetjeve të fëmijëve një surprizë e bukur e priti në fund të mbrëmjes. Gjiko e surprizoi atë në studio, ndërkohë që ajo e dinte se ndodhej në Itali.
‘Ditën e parë që të kam parë e dija që do të ishe gruaja ime, pastaj të propozova më the po. Të propozova për martesë me the po. Më ke falur djalin më të mirë në botë, më ke falur botën. A do bëhesh gruaja ime deri sa të plakem dhe të bëhem për pampersa?’, i tha Gjiko dhe i dhuroi një tjetër unazë moderatores.
Elita u emocionua pafund ndërsa fëmijët kërcenin përreth tyre.
