Kryetarja e Lëvizjes Socialiste për Integrim, Monika Kryemadhi ka rrëfyer detaje të paditura më parë në lidhje me jetën e saj intime. Në një lidhje telefonike në emisionin “Ftesë në 5”, Kryemadhi tha se presidenti Ilir Meta, bashkëshorti i saj, ka qenë personi i parë me të cilin ka bërë dashuri për herë të parë e të fundit.
Kryetarja e LSI-së tha se mendon që seksi duhet si eksperiencë në jetë, por ajo edhe për vajzat e saj, dëshiron që ajo gjë të ndodhë me njeriun e zemrës dhe me atë që do të martohen e do të kalojnë jetën.
“Seksi vërtetë është eksperiencë. Unë për veten time Ilri Metën kam dashur, me atë bëra dashuri për herë të parë dhe me atë u martova, por në kohët e sotme me pavarësinë që ka fituar gruaja, seksi është kthyer në një element që s’ është turp.
Unë në fakt, nuk do e pranoja te vajzat e mia si eksperiencë, por do doja ta bënin për dashuri dhe me njeriun e zemrës që do të plakeshin. Unë e emancipuar jam, Ilir Metën nuk e kam kontrolluar, kurrë, as në telefon asnjë xhepat e tij nuk i kam futur duart. Por po të gjente një më të mirë, bravo i qoftë, të ecte përpara e të gjente lumturinë e tij, unë do të isha e lumtur nëse Ilir Meta do të ishte i lumtur,”- tha ajo.
