Vjen me projektin e parë për vitin 2019. Kantautori nga Shqipëria, Alban Skenderaj ka lansuar këngën e re audio të titulluar “Jetë”. Tekstin dhe muzikën e këtij projekti e ka realizuar vetë këngëtari kurse për producimin është përkujdesur Endri Shani. Ndonëse pa videoklip, kënga me tu publikuar ka marrë shumë reagime dhe komente nga fansat e tij në YouTube. Skenderaj është ndër artistët e rrallë që në tekste përshkruan gjëra reale dhe mjaft të veçanta.
