Biznesmeni Enver Sekiraqa është dënuar me 30 vite burg nga Gjykata Prishtinës.
Njeriu i akuzuar për organizimin dhe udhrin e vrasjes së oficerit të policisë Triumf Riza do të qëndrojë në burg për 30 vitet e ardhshme.Prokuroria kërkoi që 44-vjeçari të dënohej në mënyrë shembullore për kryerjen e këtij krimi të rëndë.
Në 30 gusht të vitit 2007, Triumf Riza u ekzekutua me 11 plumba nga Arben Berisha, i cili njihet si bashkëpunëtor i afërt i Sekiraqës.Sekiraqa iu dorëzua autoriteteve të EULEX-it në vitin 2012. 4 vjet pas dorëzimit të tij, Gjykata e Prishtinës i dha 37 vite burg Sekiraqës, por Gjykata e Apelit cilësoi se duhej të rishihej edhe njëherë dënimi i tij. Ngjarja bëri bujë në Kosovë, teksa biznesmeni Sekiraqa dhe policia Triumf Riza kishin patur lidhje intime me këngëtaren e njohur Adelina Ismajli.
Atentatori Arben Berisha po vuan dënimin me 35 vite burg, ndërsa një muaj pas vrasjes së Triumf Rizës, lokalit të Sekiraqës iu vendos bombë C4, nga shpërthimi i të cilit mbetën të vdekur 2 persona dhe u plagosën 11 të tjerë.
