Kur dikur dëgjoja se në botën perëndimore shumëkush dashurohej, por edhe martohej përmes internetit, nuk e kuptoja se për çfarë bëhej fjalë. Por, para pesë vjetësh, kur edhe unë e instalova internetin në shtëpi, e kam të qartë se si kanë mundur ata perëndimorë të njoftohen, dashurohen, por edhe të martohen nëpërmjet internetit, shkruan J.
Papritur, një mbrëmje online hyri një zonjë, e cila u prezantua si grua 45 vjeçe, mësuese. Unë, 25-vjeçar, fillova të imagjinoj se si do të ishte që të kem një mësuese kaq më të vjetër se unë, e cila do të më mësonte edhe për “punët e shtratit”. Si beqar, shpesh ndjej nevojë për femër, por nuk mund të lavdërohem se mund të kem shpesh ndonjë femër, e cila do më shterte krejt energjinë rinore për seks.
– Përshëndetje… jeni për bisedë? – m’u drejtua zonja.
– Me kënaqësi, e nderuar. Por, do të doja të di moshën tuaj, sepse biseda do të jetë më kuptimplote nëse e di që po flas me një femër të pjekur dhe jo me ndonjë kullerkë – ia ktheva.
Asaj, si duket, i lash përshtypje që në fillim dhe filloi të qeshë.
– A e di bre djalosh se unë jam e djegur se jo e pjekur?! – më tha zonja.
– Prandaj, edhe kërkova të di moshën tuaj. Unë jam 25-vjeçar – i tregova.
– Ha-ha-ha… e di ti se unë jam shumë më e vjetur se ti, bile kam mundur të të lind?! – tregoi zonja.
Megjithatë, unë insistoja pa ndërprerë t’më tregonte moshën e saj, sepse më përshtatej në bisedë dhe, pse jo, edhe u mbusha epsh për faktin se është më e moshuar. Më kaploi dëshira që të më mbështillte ajo në gji, duke më përkëdhelur sikur nëna foshnjën, e unë t’i zbatoja mësimet e saj në praktikë.
– Unë, mor djalosh, jam 45-vjeçare, por dukem shumë më e re se mosha që kam – më tha zonja.
– Natyrisht se duhet të dukeni ashtu dhe kurrë as mos e qoni mendjen kah pleqëria. Sidoqoftë, a mund ta kuptoj këtë se ju jeni aktive edhe në punët e shtratit? – e pyeta, pa një e pa dy.
– Natyrisht, por e kam të vështirë të lirohem me dikë, sepse në Kosovë të gjithë meshkujt, sapo e shfrytëzojnë një femër, u tregojnë shokëve. Prandaj, është rrezik të vendosi në këtë aspekt – u ankua zonja, e cila ma bëri me dije se asaj “po i lëpihet”, por që ndruan se po hetohet.
– Unë, e nderuar, jam tip që kënaqëm, pikërisht kur ajo kënaqësi është shumë intime. Po më hetoi dikush se jam në lidhje me dikë, nuk ka më vend për kënaqësi – i thash.
Si duket, kjo thënie imja ishte çelësi kryesor që ajo të lirohej menjëherë në bisedë dhe të harroj se ne sapo u njohëm. Menjëherë filloi t’më fliste për dëshirat dhe qejfet e saj. Ndërkohë, më tregoi se burri i saj më shumë ishte jashtë shtëpisë se sa me të. Më tha troç se i ishte mërzitur edhe jeta bashkëshortore, gjithnjë duke dëgjuar nga shoqet e saj se si burri po i ndiqte lokalet e natës, paralel me të rinjtë. Natyrisht, ai ishte i pasur, por zonja me të cilën flisja dëshironte diç më shumë se pasuria materiale. Ajo më tha se është tejet e varfër shpirtërisht, sepse i mungonte mashkulli.
– Më beso se jam çmendur në pleqëri… Bile, me të thënë të drejtën, do ta dëshiroja një djalosh si ti. Ama, nuk e di se sa je i fjalës? – më tha pa ngurrim zonja.
Oh sa u josha pas saj… edhe unë fillova t’i tregoj se do e dëshiroja pikërisht atë që është më e vjetër se unë dhe se kam qejf të më bëhej mësuese shtrati.
– Të premtoj se do të jem nxënës i mirë dhe i dëgjueshëm. Nuk do të dëshiroja të dëshpërohesh me mua – i thash.
I tregova drejt se isha i kallur për zonja, sepse nga to kam se çka të mësoj. Ajo ma ktheu se të rejat janë edhe më të dijshme se të vjetrat, sepse, sipas saj, të rejat kanë më shumë përvojë.
– Megjithatë, pranoni, ju lutem, të pimë një kafe diku në qytet – i shash zonjës.
Ajo më tha se do të pinte me kënaqësi një kafe, por më porositi të mos kërkoja më shumë, sepse që në fillim do më refuzonte nëse jam insistues. U pajtova me kërkesat e saj dhe mbaruam bisedën.
Të nesërmen, u rrova, u parfumosa dhe u vesha mirë. Me të arritur në vendin ku e lamë të takoheshim, u gjendëm në një restorant të vogël, por mjaft i qetë dhe i përshtatshëm për bisedë intime.
– Qenke zgjuar shumë herët – më tha zonja, e cila gjithashtu ishte rregulluar, tamam si mësuese.
– Më mirë të kishe pyetur nëse kam fjetur mbrëmë! – ia ktheva.
Duke pirë makiato, biseduam për shumëçka… Madje, edhe për seks. Më tha se ka nevojë për seks, sepse burri i saj më shumë është jashtë shtëpisë sesa me të.
I thash se tash e tutje do më ketë mua për punë të tilla dhe nuk ka nevojë të brengoset për punët se ku i rri burri…
Pas një kohe dolëm nga lokali dhe hipi në veturën time. Më tha se nuk guxon të shkojmë në ndonjë motel, por në veturë mund të bëjmë çdo gjë…
Dhe, ashtu ndodhi: në mjedis të malit unë e ajo u ndodhëm lakuriq… J.
