Ai është pesë metra i gjatë, peshon rreth 63 kilogramë dhe kishte 73 vezë në trupin e tij. Është një piton për rekord, femër, e marrë nga katër studiues në Parkun Kombëtar të Everglades, Florida.
Zvarraniku u hoq nga rezervati, një sipërfaqe prej pothuajse tre mijë kilometrash katrorë, iu bë një foto dhe u botua në “Facebook”, duke treguar madhësinë imponuese të kafshës. Ky lloj i gjarprit është i zakonshëm në Everglades, por zakonisht shumica e mostrave nuk i kalojnë tre metra gjatësi.
Sipas Komisionit të Ruajtjes së Peshkut dhe Shpendëve të Floridës, të marrë nga CNN, mostra më e madhe e zbuluar ndonjëherë në botë ishte 5.5 metra e gjatë dhe peshonte rreth 45 kilogramë. Kjo definitivisht e ka kapërcyer rekordin.
Zbulimi i pitonit gjigant ishte i mundur në sajë të teknologjive të reja të kapjes së përdorur nga Rangers: duke përdorur një piton mashkull, të pajisur me radio transmetues, studiuesit ishin në gjendje të identifikojnë femrat në fazën riprodhuese.
Ekipi, jo vetëm që hoqi gjarprin e rrezikshëm, por grumbulloi të dhëna për hulumtime mbi zakonet e këtyre zvarranikëve dhe sjelljen e tyre brenda rezervës.
