Mbyllja e kufijve me qëllimin që të mos përhapej më shumë COVID-19 në vendin tonë, bëri shumë emigrantë shqiptarë të mbeten në atdhe. I tillë është edhe rasti i Roza Balliut nga fshati Melan i Dibrës, e cila erdhi nga Greqia në Shqipëri për të parë prindërit e saj, por ngeli këtu. Burrin dhe fëmijët i ka në Greqi.
“Po jam emigrante në Shqipëri. Erdha të shoh prindërit e mi këtu, por koronaviursi na mbylli kufijtë dhe kam mbetur këtu. Burri dhe fëmijët i kam në Greqi. Kam një muaj këtu,dua të iki por nuk kam leje për të ikur jashtë shtetit. Shpresoj që të hapen kufjitë që edhe unë të iki tek kalamajtë e mi.”, u shpreh Roza Balliu, për gazetarin Enver Doçi.
Ndërkohë, Roza nuk humb kohën kot, pasi ajo bashkë me nënën e saj dalin për të mbledhur bimë medicinale.
Ndërsa, nëna e saj ka dekaruar: “Më ka ardhur vazja prej kurbetit dhe më ngeli këtu. Jemi me ilaçe, na duhen para, dhe mbledhim edhe lule. COVID-19 e kemi shumë frikë por ngaqë jemi këtu në fshat dhe themi nuk na kap gjë. Ne i rrimë larg. Mbledhim lule, dhe inshallah na i marrin lutet.”
Qeveria ka nisur riatdhesimet për emigratët shqiptarë që ndodhen jashtë vendit. Ditën e sotme kanë hyrë në Shqipër 25 studentë që ishin nisur nga Stambolli dhe 17 shqiptarë që ndodheshin në Kosovë.
