Ambasada Amerikane: “Simboli i përbashkët i Shqipërisë dhe SHBA është i kërcënuar...

Ambasada Amerikane: “Simboli i përbashkët i Shqipërisë dhe SHBA është i kërcënuar dhe në rrezik”

448
0

Shqipëria dhe Shtetet e Bashkuara të  Amerikës kanë të njëjtin simbol, “shqiponjën”. Ambasada Amerikane në tiranë ka ndarë me ndjekësit në rrjetet sociale një foto të shqiponjës ku bën me dije se si Shqipëria dhe SHBA e kanë për simbol. Por ngre alarmin duke thënë se shqiponja, është në rrezik në vendin tonë. “Në SHBA në 2007 shqiponja u hoq nga lista e shpendëve të kërcënuara, e sot lulëzon, por në Shqipëri ç’duhet të bëjmë, ngre pyetjen ambasada?!”

 

Statusi i plotë

 

A e dini që shqiponja është simbol si për Shqipërinë ashtu edhe për Shtetet e Bashkuara? Në Shtetet e Bashkuara, shqiponja kryebardhë u hoq nga lista federale e specive të kërcënuara dhe rrezikuara më 9 gusht 2007 dhe specia tani është në lulëzim. Për fat të keq, shqiponja është në rrezik në Shqipëri. Çfarë mund të bëjmë për t’i ruajtur këto specie të jashtëzakonshme?