Ylli Ndroqi, President i Yldon Media Grup, në mesazhin e urimit për festat e fundvitit, hap zemrën dhe tregon se dhe ai si çdo shqiptar i lënduar, ka humbur në këtë vit që lamë pas 6 familjarë të shtrenjtë.
Motra, vëllai, xhaxhai dhe kushërinj të Ylli Ndroqit nuk e fituan dot betejën me virusin dhe ndërruan jetë pak kohë pas njëri-tjetrit.
“U shpreh ngushëllimet atyre që do të hyjnë në një vit të ri me humbje të pazëvendësueshme. Ju ndjej më shumë se kurrë si vëllai e i afërmi me zemrën plagë, që humbi plot 6 njerëz të shtrenjtë në familje dhe shumë miq e kolegë përgjatë betejës me Covid-19.
Por edhe si çdo shqiptar i lënduar nga shuarja e shumë personaliteteteve të elitës kombëtare, nga radhët e bluzave të bardha, mjekë të shquar, artistë e intelektualë, gazetarë e pronarë mediash që me ikjen e parakohshme tronditën pasurinë shpirtërore, kulturore e shkencore të vendit”, shkruan ndër të tjera Ylli Ndroqi në mesazhine tij të urimit.