Këshilli i Ministrave vendosi sot kompensimin financiar të pronarëve të pasurive të paluajtshme, që preken nga ndërtimet e legalizuara.
Në vendimin e qeverisë thuhet se, vlera e përgjithshme e kompensimit financiar është 251 170 138,99 lekë, për sipërfaqen 28 682,6 m².
Kompensimi financiar jepet për pronarët e pasurive të paluajtshme, pronë private, për sipërfaqet takuese, të zëna nga ndërtimet e legalizuara në drejtoritë vendore të Agjencisë Shtetërore të Kadastrës: Tiranë Veri, Tiranë Jug, Tiranë Rurale 1, Durrës, Kukës, Elbasan, Kamzë-Vorë, Sarandë, Vlorë, Gjirokastër, Kavajë, Lezhë dhe Pogradec.
Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.
