Ministria e Shëndetësisë ka vendosur të mbajë mbyllur baret, restorantet dhe njësitë e tjera akomoduese në vend, deri në fund të pandemisë nga koronavirusi.
Kjo do të thotë se këto lloje biznesesh do të qëndrojnë mbyllur për një kohë të pacaktuar, deri sa pandemia të konsiderohet e përfunduar.
Gjithashtu, në komunikimin e fundit nga MSH thuhet se janë pezulluar do të qëndrojnë mbyllur pa afat edhe aktivitetet publike dhe jopublike si edhe grumbullimet masive.
Të njëjtat masa janë marrë edhe për komisionet e kempeve, për personat me aftësi të kufizuara si dhe pezullimin deri në fund të pandemisë të shkollave, kopshteve dhe çerdheve.
