Ministrja e Mbrojtjes, Olta Xhaçka, shkruan se Forcat e Armatosura kanë parandaluar një tragjedi në Manati të Lezhës.
Olta Xhaçka thekson se xhenierët kanë larguar nga zona e banuar 74 predha të kalibrit 150 mm, me peshë rreth 50 kg secila, dhe që i përkisnin Luftës së Dytë Botërore.
Po ashtu, ministrja shton se prej fillimit të vitit xhenierët e FA kanë kryer 75 operacione në të gjithë vendin, duke asgjësuar rreth 16 tonë municione të rrezikshme.
“Forcat e Armatosura parandaluan një tragjedi në Manati të Lezhës. Xhenierët tanë larguan nga zona e banuar 74 predha të kalibrit 150 mm, secila me peshë rreth 50 kg, sipas vlerësimeve paraprake, të Luftës së Dytë Botërore.
Arsenali i predhave u zhvendos për t’u asgjësuar në një poligon të posaçëm, ndërkohë që, prej fillimit të vitit, xhenierët e FA kanë kryer 75 operacione në të gjithë vendin, duke asgjësuar rreth 16 ton municione të rrezikshme”, shkruan Xhaçka.
https://www.facebook.com/xhackaolta/videos/1156023324604662/
