Në stinën e verës, një ndër problemet më të mëdha që lidhen drejtpërsëdrejti jo vetëm me pamjen tonë, por edhe shëndetin, është mbrojtja e lëkurës nga dielli. Zgjidhjen për këtë gjë e gjejmë tek kremrat apo vajrat e ndryshëm të cilët janë një alternativë e mirë.
Por krahas këtyre ka zgjidhje akoma më natyrale dhe më të dobishme, siç janë ushqimet. Në bazë të përbërjes së tyre dhe vlerave që posedojnë, ka disa ushqime, konsumimi i të cilave na mbron nga rrezet e dëmshme UV.
Kështu që më poshtë ne ju sjellim listën e këtyre ushqimeve dhe përfitimet prej tyre.
Vaji i ullirit
Falë vitaminës “E” dhe polifenoleve, konsumi ditor i vajit të ullirit mund të mbrojë lëkurën. Studime të shumta kanë treguar se vitamina E mund të zvogëlojë efektet e stresit oksidues dhe të zvogëlojë efektet e rrezatimit të dëmshëm UV. Prandaj, gjithmonë shtoni një lugë vaj ulliri në sallatë ose perimet e gatuara gjatë verës.
Arrat
Ndihmues janë edhe arrat, të cilat përmbajnë yndyrna të shëndetshme “omega-3”. Ato ndihmojnë qelizat në shtresën e jashtme të lëkurës për të luftuar rrezatimin UV, duke parandaluar përkeqësimin e tyre.
Mollët
Krahasuar me frutat e tjera, mollët kanë përqendrimin më të lartë të polifenolit, i cili ndihmon në kontrollin e inflamacionit, zvogëlon stresin oksidues dhe rrit imunitetin.
Çaji dhe kafeja
Çaji dhe kafeja janë gjithashtu plot me polifenol, i cili ndikon pozitivisht për lëkurën. Hulumtimet kanë treguar se konsumimi ditor i kafes ngadalëson plakjen e lëkurës dhe shfaqjen e pikave në lëkurë.
Brokoli
Brokoli është gjithashtu i pasur me polifenol. Ai është i shkëlqyeshëm në luftën kundër inflamacionit dhe gjithashtu ndihmon në luftën kundër kancerit. Po ashtu, aktivizon sistemin e mbrojtjes së lëkurës kur ekspozohet ndaj rrezatimit Ultra Violet.
Spinaqi
Ndihmon lëkurën për të luftuar rrezet e diellit dhe për të ngadalësuar procesin e plakjes. Është vërtetuar se konsumi ditor i spinaqit të zier ndihmon trupin me 50 për qind më shumë në luftën kundër paraqitjes së melanomës pas shërimit.
Çokollata e zezë
Çokollata e zezë ka një përqindje të lartë të kakaos, e cila është një antioksidues i fortë, pasi posedon flavanol. Ajo e bën lëkurën më shumë hidratuese dhe më të butë. Në vend të çokollatës, ju gjithashtu mund të pini një filxhan kakao, pasi është provuar se lëkura bëhet 25 për qind më pak e ndjeshme ndaj diellit.
