Tryeza politike për Reformën Zgjedhore, reagon ambasada e SHBA

Tryeza politike për Reformën Zgjedhore, reagon ambasada e SHBA

323
0

Ambasada amerikane në Tiranë ka reaguar pas pranimit të ftesë së partive opozitare për të marrë pjesë për të dërguar përfaqësues në konferencën për reformën zgjedhore.

Ambasada po ashtu shton se mirëpresin përpjekjet e Lulzim Bashës.

“Përpjekjet e tij demonstrojnë udhëheqësi të vërtetë mbi një çështje thelbësore për forcimin e mëtejshëm të institucioneve demokratike të Shqipërisë”, shkruan mes të tjerash ambasada.

Deklarata e plotë:

Shtetet e Bashkuara mirëpresin vendimin e partive opozitare për të dërguar përfaqësues në konferencën për reformën zgjedhore bashkërenduar nga parlamenti dhe Prezenca e OSBE-së në Shqipëri.

Ne përshëndesim Kryetarin e Partisë Demokratike Lulzim Basha që thirri një takim të opozitës dje. Përpjekjet e tij demonstrojnë udhëheqësi të vërtetë mbi një çështje thelbësore për forcimin e mëtejshëm të institucioneve demokratike të Shqipërisë.

Shtetet e Bashkuara mbështesin miratimin e reformave të nxitura nga ekspertët zgjedhorë të OSBE/ODIHR në mënyrë që Shqipëria të mund të zhvillojë zgjedhje që janë të lira nga shtrëngimi, trysnia politike, dhe blerja e votes. Populli shqiptar nuk meriton asgjë më pak se sa kjo.