Presidenti Ilir Meta ka shprehur dhimbjen e thellë ndaj situatës tragjike që po kalon Turqia pas tërmetit të mbrëmjes së djeshme.
Përmes një statusi në ‘Facebook’, ai deklaron se ndihet shumë i tronditur nga viktimat në njerëz dhe shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan.
Kujtojmë që deri më tani numri i viktimave ka shkuar në 21 dhe të plagosurve janë gjetur 1015 persona nën rrënoja.
Statusi i plotë:
Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik.
Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh.
Të gjithë të lënduarve nga kjo fatkeqësi natyrore ju uroj shërim sa më të shpejtë.
Në këto momente tepër të vështira, unë dhe populli shqiptar jemi në krah Turqisë
