Kryeministri Edi Rama, gjatë një takimi të hënën me banorë të Klosit, deklaroi se reforma në drejtësi është një domosdoshmëri, pasi do të ndihmojë në rritjen ekonomike të vendit. Rama ftoi dhe mbështetësit e Partisë Demokratike që në këto zgjedhje të votojnë PS-në, për të çuar përpara reformat e nisura, në të gjitha fushat. “Më 25 qershor është një ndeshje futbolli, ku luajnë dy skuadra. Ne(mazhoranca) kemi makinën, kurse ata(opozita) një ‘karrocë Dyli’. Mund të thonë se çfarë bën ‘këta’ për ty? Nëse ti kishe nevojë për ujin, dhe këta, që nuk ishin ‘të tutë’ ta sollën uji, ti do ujin apo të bësh “Urra”? Nuk mund ti rrish besnik një partie për historira të kaluara. Partitë duhet të jenë zgjedhja kush ma bën punën më mirë”, u shpreh Rama. Duke ju referuar marrëveshjes së 18 majit me kryetarin e PD-së, Lulzim Basha, Rama tha se ajo (marrëveshja) është shumë e qartë: kush do të humbasë në zgjedhje do të përgëzojë fituesin, dhe shpresoj të jenë të pakontestuara, që më pas qeveria dhe opozita do të bëjnë avokatin e Shqipërisë e të ulen në tavolinën e BE-se dhe të bëjmë negociatat. “Ndaj them që 26 qershori duhet të jetë kuqezi, për flamurin kuq e zi për ta çuar në oborrin e familjes europiane, por mbi të gjitha që ta ngremë kokën njëherë e mirë si shtet. Prandaj demokratët këtë here duhet të votojnë PS-në, pasi këtë herë na kanë edhe një borxh, sepse ju shpëtuam Lulin”, u shpreh kryeministri ne Klos
