Ka nisur me “përplasje” mbledhja e sotme e Komisionit të Reformës Zgjedhore. Ndërkohë që bashkëkryetarja Rudina Hajdari i dha fjalën përfaqësuesve të shoqerisë civile, deputeti i opozitës së re në Kuvend, Kujtim Gjuzi ka kërkuar të marrë fjalën.
Ndërhyrja nuk është pranuar nga ana e bashkëkryetarit tjetër, socialistit Damian Gjiknuri, i cili nuk e ka lejuar Gjuzin të flasë. Kaq ka mjaftuar që situata të tensionohet. Gjuzi ka deklaruar se nuk e njeh komisionin me Gjiknurin bashkëkryetar, ka marrë dosjen dhe ka dalë jashtë, ndërkohë që Gjiknuri i ka thënë: Ik vazhdo, dil jashtë.
Debati:
Hajdari: Fjalën e ka Shoqëria Civile
Gjuzi: Do flas unë
Gjiknuri: Nuk mund të flasësh ti, e ka radhën Shoqëria Civile
Gjuzi: Nuk mund të kontrollosh ti, do flas se s’bën
Gjiknuri: Nuk je anëtar ti, ca procedure thua
Gjuzi: Procedura këtu do vijë se s’bën, se janë 44 parti që kanë sjellë draftin dhe e mbani dy vjet aty
Gjiknuri: Nuk mund të marrësh fjalën
Gjuzi: Unë nuk e njoh këtë komision me bashkëkryetar Damian Gjiknurin nuk e njoh 0mer dosjen, ngrihet nga vendi dhe del)
Gjiknuri: Ik dil jashtë. Ik je në konflikt me logjikën, të lutem tani, vazhdo tani, hajde
Gjuzi: Më thua mua nuk je anëtar ti.
***
Ftesa per PD-ne
Ne nisje te mbledhjes bashkekryetari Gjiknuri deklaroi: “Opozita jashte parlamentit nuk ka sjelle propozime me shkrim, por jemi ende ne pritje te propozimeve te tyre”.
Nderkohe qe deputetja Rudina Hajdari theksoi se “Ne eksperiencat e meparshme nuk iu jane marrë parasysh propozimet, por këtë herë do të jetë ndryshe. Te gjithë aktorët jashtë parlamentit të vazhdojnë punën, ne jemi ende në pritje të propozimeve të tyre”.
