Një mjek shqiptar ka humbur jetën tragjikisht në Itali. Sipas mediave vendase, mjeku 66-vjeçar, identiteti i të cilit nuk bëhet me dije është përfshirë në aksident dhe për pasojë ka gjetur vdekjen.
Ai po udhëtonte me dy persona të tjerë në kohën kur makina tip “Benz Class’ u përplas me ndarësen e autostradës dhe më pas u rrokullis disa herë. Mjeku shqiptar mësohet se ka qenë i ulur në sediljen e pasme të mjetit, ndërsa përplasja ka qenë fatale për të. Pas përplasjes, 66-vjeçari ka dalë nga xhami i makinës dhe ka mbetur i shtrirë në rrugë pa shenja jete.
Dy të tjerët u dërguan me shpejtësi në spital, ku raportohet se gjendja e tyre shëndetësore është e qëndrueshme dhe nuk kanë asnjë rrezik për jetën.
