Maji vjen me reshje shiu, ndërkohë që e marta dhe e mërkura do të jenë me kthjellime dhe vranësira të shpeshta. Sipas Meteoalb, do të ketë shira të përkohshëm në pjesën më të madhe të territorit por kryesisht në zonat Lindore. Pjesa e dytë e javës sjell fuqizim të vranësirave në Shqipëri si edhe shira më të konsiderueshëm; ku herë pas here do të jenë në formën e rrebesheve afatshkurtra. Temperaturat e ajrit mbeten të larta deri të enjten ndërsa e premtja dhe në vijim do ketë rënie me 2-3°C të vlerave termike; maksimumi pritet të shënojë 27-28°C.
