Vendi ditën e sotme do të shoqërohet nga një mot me kthjellime, por që do të shoqërohet me vranësira.
Sipas MeteoAlb paraditja mbetet në ndikimin e kthjellimeve në të gjithë vendin tonë. Mesdita dhe pasditja sjellin shtim të vranësirave, ku më të shpeshta do jenë në zonat malore ku pritet dhe ndonjë rrebesh shiu, kryesisht në veri të territorit shqiptar.
Temperaturat e ajrit ulen lehtë në mëngjes, por rriten në mesditë duke luhatur vlerat ditore nga 13°C deri në 38°C.
Era do fryjë mesatare me shpejtësi 35 km/h nga drejtimi Veriperëndimor duke krijuar dallgëzim 3 ballë.
