Vendi ynë mbetet në kushte të qëndrueshme atmosferike, ku kthjellimet dhe vranësirat e lehta do të jenë mbizotëruese deri në orët e pasdites. Por në orët e mbrëmjes parashikohet të kemi shtim të vranësirave në zonat malore.
Sipas Meteoalb, temperaturat e ajrit do të rriten në mëngjes dhe në mesditë, duke regjistruar vlerën minimale në qytetin e Pukës me 0°C. Ndërsa vlera maksimale do të shënohet në qytetin e Sarandës dhe Durrësit me 17°C.
Era do të fryjë e lehtë në tokë dhe mesatare në det, me shpejtësi 25 km/h nga drejtimi Verior-Verilindor, duke krijuar në det dallgëzimi 2 ballë.
