Një matës që ndihmon në parashikimin e sulmeve të zemrës dhe sëmundjeve të qarkullimit të gjakut para se ato të ndodhin është gati për përdorim në të gjithë Evropën sipas studiuesve britanikë.
Matësi i i rrezikut, SCORE2, u mundëson mjekëve të parashikojnë se kush rrezikon të ketë një sulm në zemër ose goditje në 10 vitet e ardhshme me saktësi të madhe.
Studiuesit thonë se ky mjet do të ndihmojë për të shpëtuar njerëzit nga një sulm në zemër ose goditje potencialisht vdekjeprurëse.
Ata që vlerësohen se kanë një rrezik në rritje mund të vihen në trajtim parandalues të personalizuar. Kjo mund të përfshijë statina, ose këshilla për stilin e jetës për të ulur rrezikun.
Rreth 200 hetues dhe studiues në të gjithë Evropën analizuan të dhënat nga gati 700,000 pjesëmarrës – kryesisht të moshës së mesme – nga 45 studime të ndryshme.
Kur u morën në studime, pjesëmarrësit nuk kishin histori të mëparshme të sëmundjes së zemrës dhe qarkullimit të gjakut, dhe në 10 vitet që u ndoqën, 30,000 patën një ngjarje kardiovaskulare – përfshirë sulmet kardiake fatale ose jo-fatale.
Studiuesit thonë se mund të vlerësojë më mirë rrezikun kardiovaskular te të rinjtë dhe do të përmirësojë trajtimin mjekësor për të moshuarit.
Profesori Emanuele Di Angelantonio, studiues i financuar nga BHF në Qendrën e Shkencave të Ekselencës në Universitetin e Kembrixhit, tha: ‘Ky mjet matës është shumë më i fuqishëm dhe superior se sa kanë përdorur mjekët për dekada.
‘Ai do të përshtatet në programet aktuale të parandalimit me ndikim thelbësor në botën reale duke përmirësuar parandalimin e sëmundjeve kardiovaskulare në të gjithë Evropën përpara se ato të godasin.‘
“Do të jetë standardi i ri i artë për mjekët për të përcaktuar se cilët pacientë janë në rrezikun më të lartë të këtyre kushteve dhe për të mundësuar që trajtimi i përshtatur dhe këshillat për stilin e jetës të jepen shumë më herët.”
SCORE2 do të miratohet nga Udhëzimet e ardhshme Evropiane për Parandalimin e Sëmundjeve Kardiovaskulare në Praktikën Klinike.
Kërkimi u financua nga British Heart Foundation dhe u botua në revistën European Heart Journal.
