Foto ilustruese
Detaje të reja kanë dalë lidhur me djegien e një makinës tip ‘Benz’ mbrëmjen e djeshme në Lezhë.
Mësohet se makina me targa AA377 është në pronësi të shtetasit Nikoln Kola i cili është punonjës pranë Bordit të Kullimit në Lezhë.
Sakaq, bëhet me dije se Kolës i është marrë makina nën kërcënimin e armës nga dy persona të pa identifikuar.
Mendohet se makina mund te jetë përdorur për grabitje dhe më pas i është vënë flaka në zonën e Kakarriqit në Balldre të Lezhës.
Gjatë marrjes në pyetje shtetasi N.K ka deklaruar se nuk i ka njohur autorët dhe nuk ka asnjë dyshim mbi motivet e djegies së makinës së tij. Policia e cila ka mbërritur menjëherë në vendngjarje po vijon ende hetimet, por nuk ka bërë të ditur shkaqet apo autorët e kësaj ngjarjeje.
