”Dua të të thyej telefonin”, kush e vuri me shpatulla pas murit...

”Dua të të thyej telefonin”, kush e vuri me shpatulla pas murit ministren e Shëndetësisë Manastirliu

430
0

Nuk dimë t’ju themi me siguri se kur njeriu modern filloi të varej nga celulari, mirëpo sa më shumë përsoset teknologjia aq më të vështirë e kemi të shkëputemi prej tij. Kësaj situate nuk i shpëton dot as ministrja e Shëndetësisë, Ogerta Manastirliu. Ditën e djeshme ajo ishte e ftuar në studion e ‘’Ftesë në 5”, prej nga ku u bëri apel të gjitha grave të informohen rreth kancerit të gjirit dhe t’u nënshtrohen të gjitha kontrolleve të ndryshme, si eko e gjirit apo mamografia.

 

Zonja Manastirliu foli gjithashtu edhe për jetën e saj personale dhe marrëdhënien me vajzat. Ajo pranoi se vet pozicioni dhe përkushtimi ndaj punës bëjnë që të mos e shkëpusë celularin nga dora edhe gjatë kohës që është në shtëpi, e kjo duket se nuk pritet shumë mirë nga vajzat.

 

 

Thënë këtë, ministrja ndau një detaj personal, duke treguar se dëshira e vajzës së vogël drejtuar Babagjyshit të Vitit të Ri, ishte që celulari i saj të mos funksiononte më. “Po prisja të më thoshte ndonjë kukull, ndonjë libër, këto gjërat që fëmijët zakonisht kërkojnë”, u shpreh Ogerta, por ja që në fakt kërkesa e vajzës paska qenë e paparashikueshme, duke shprehur publikisht se ndihet keq që nuk kalon aq shumë kohë me vajzat e saj për shkak të impenjimeve në politike. Ajo tregoi gjithashtu se ndihet të paktën e qetë pasi bashkëshorti i saj është shumë i pranishëm në rritjen e dy vajzave, sikundër edhe familjarë të tjerë.