Eugena sqaron se largimi i saj nga kompeticioni mund të ketë qenë kërkesë nga Ebru Gundes.
Eugena Aliu, shqiptarja që vodhi vëmendjen e të gjithëve para 3 vitesh në “Voice of Turkey” për zërin e ngjashëm me këngëtaren e madhe turke Ebru.
E ftuar në emisionin “Why Not” në RTV Ora, Eugena sqaroi se në largimin e saj nga kompeticioni mund të ketë qenë kërkesë nga Ebru Gundes.
Eugena Aliu: Erdhi një sukses që e prisja, por jo kaq të madh sepse po konkurroja në një shtet shumë të madh dhe po shkoja atje me muzikën e tyre. Fakti që kisha këngën e Ebrusë ishte dicka pozitive, por më pas mu kthye në dicka jo pozitive. Ishte një nga videot më të shikuara të atij edicioni në Turqi. Pas kësaj, direkt, pa kaluar 2 ditë, videot e performancave të mia filluan të fshiheshin. Ishin hedhur në account-e të ndryshme dhe arriti të merrte 2 milionë shikime. Thuhet që është fshirë nga produksioni në momentin që del Deleted video, por arsyeja pse nuk mu dha asnjëherë.
Roza Lati: A mendon se kishte gisht këngëtarja Ebru e cila ka dashur të të lërë në hije se mbase do e lesh pa bukë?
Eugena Aliu: E nënkuptuar, duket e tillë.
