Dhunë në famije/ Rrahën hallën dhe gruan, arrestohen tre persona në Fier

Dhunë në famije/ Rrahën hallën dhe gruan, arrestohen tre persona në Fier

386
0

Policia ka arrestuar ditën e sotme 3 persona të akuzuar për “Dhunë në familje”

Mësohet se janë vënë në pranga dy vëllezërit me iniciale M.M, 30 vjeç dhe A.M, 24 vjeç, banues në Fier.

Ata kanë ushtruar dhunë fizike ndaj hallës së tyre 45-vjeçare M.B, e cila ishte e pajisur me urdhër mbrojtje.

Gjithashtu është kapur në flagrancë shtetasi me iniciale A.P, 46 vjeç, banues në Roskovec, pasi në banesë ka ushtruar dhunë fizike dhe psikologjike ndaj bashkëshortes së tij, shtetases me iniciale L.P.

Fier/Njoftimi i policisë:

*Ushtruan dhunë fizike ndaj hallës së tyre, arrestohen në flagrancë nga policia.

Specialistët për Hetimin e Krimeve në Komisariatin e Policisë Fier, arrestuan në flagrancë shtetasit:

M.M, 30 vjeç dhe A.M, 24 vjeç, banues në Fier (Vëllezër).

Arrestimi i tyre u bë pasi për motive pronësie kanë ushtruar dhunë fizike, ndaj hallës së tyre, shtetases M.B, 45 vjeçe e cila ishte e paisur me urdhër mbrojtje.

Gjatë kontrollit të banesës së këtyre shtetasve janë gjetur dhe sekuestruar në cilësinë e provës materiale disa fishekë luftarak.

Materialet i kaluan Prokurorisë pranë Gjykatës së Shkallës së Parë Fier për veprat penale “Dhunë në familje”  “Mbajtja pa leje e municionit luftarak” dhe “Veprime në kundërshtim me vendimin e Gjykatës”.

*Gjithashtu, specialistët për Hetimin e Krimeve në Komisariatin e Policisë Fier, arrestuan në flagrancë shtetasin:

A.P, 46 vjeç, banues në Roskovec.

Arrestimi i këtij shtetasi u bë pasi në banesë ka ushtruar dhunë fizike dhe psikologjike ndaj bashkëshortes së tij, shtetases L.P.

Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje”.