Zëdhënësi i Presidentot Ilir Meta, Tedi Blushi ka reaguar pas deklaratave të Taulant Ballës, ditën e sotme në Komisionin e Venecias.
Balla u shpreh se ka diaa propozime për amendimin e raportit, ndërsa theksoi se Presidenti shkeli të drejtën themelore të drejtën për t’u zgjedhur.
Ndërkohë, Blushi përmes një postimi në rrjetet sociale shkruan me ironi si propozimet e tij “gajasën sot të madh e të vogël në Komisionin e Venecias”.
Komenti i Blushit:
Propozimet e Tao Tao-s gajasën sot të madh e të vogël në Komisionin e Venecias.
Hëngri një dajak të fortë, por mënd nuk zuri, dhe vazhdon propogandën bajate me titra të porositura.
I kujtoj Tao Tao-s “hurin” që mori nga raporteri i çështjes për rrjedhjen në media të Draf-Opinionit, për keqpërdorim politik. Dhe nëse nuk është ftilluar akoma, ai dhe delegacioni që e shoqëron, le të bëjnë një vizitë në Bienalen e Venecias, se ndoshta u bie stresi.
Sa për Presidentin, çështja është e qartë si kristali: ZERO SHKELJE TË KUSHTETUTËS.
Tani të gjithë të bashkuar të mbështesim kuqezinjtë në sfidën e mbrëmjes.