Çmimet e frikshme të apartamenteve në Tiranë, ja sa kanë vajtur vlerat

Çmimet e frikshme të apartamenteve në Tiranë, ja sa kanë vajtur vlerat

85
0

Apartamentet luksoze në zonat qendrore në Tiranë po shkojnë në shifra të çmendura, duke arritur në 4.000 euro për metër katror. Këtë çmim ka projekti i ri që po ndërtohet pranë Presidencës, duke arritur nivelin më të lartë në rajon, sipas të dhënave që raportohen nga “Colliers International”. Tirana ia ka kaluar edhe Beogradit, që ishte kryeqyteti më i shtrenjtë në rajon, me rreth 3.000 euro/m² për apartamentet Premium. Në Podgoricë, apartamentet kushtojnë maksimumi 2.200 euro/m² dhe në Shkup nuk i kalojnë 2.000 euro/m².

“Po ndërtohet në mënyrë të frikshme jashtë çdo logjike tregu”, thotë Stela Dhami, partnere menaxhuese e një agjencie imobilare.

Arben Dervishi, kryetar i Shoqatës së Ndërtuesve në Tiranë, pohon se për fatin e keq, ndërtuesit në Shqipëri vijojnë që të ndërtojnë në mënyrë empirike dhe pa studime të mirëfillta për kërkesën në tregun e patundshmërisë në Shqipëri.

Çmimet në kryeqytet kanë një luhatje të madhe, nga 500-600 euro/m² në periferi në mbi 3000 euro/m² në zonat e qendrës.

Sipas Numbeo, aktualisht Tirana është qyteti i dhjetë më i shtrenjtë në Europë nga 103 qytete të marra në shqyrtim për sa i përket çmimet e shtëpive në raport me të ardhurat e qytetarëve, duke u renditur krahas qyteteve si Milano, Roma, Parisi, Londra, etj.

 

Burimi: Monitor