Sean Paul është bërë baba për herë të dytë. Familja e këngëtarit të njohur është shtuar me një vajzë, të cilën e kanë quajtur Remi Leigh Henriques.
Vogëlushja ka lindur të martën, më 20 gusht dhe peshon plot 3,9 kilogram. Sean Paul dhe Jodi janë prindër edhe të një djali 2-vjeçar të quajtur Levi-Blaze.
Lajmin e ka dhënë vetë këngëtari ditën e djeshme me anë të një foto në Instagram së bashku me bashkëshorten dhe fëmijët. Shtatzëninë çifti e bëri të ditur në muajin shkurt, duke treguar se bebi do të vinte në jetë në muajin gusht.
